ހެލްތް މިނިސްޓަރ ޢަބްދުﷲ އަމީން އިސްތިއުފާ ދެއްވުމަށް ވިލުފުށީ ދާއިރާގެ އެމްޑީޕީ މެމްބަރު ޙަސަން އަފީފް ގޮވާލަށްވައިފިއެވެ.
މިއަދު އޮތް ރައްޔިތުންގެ މަޖިލީހުގެ ޖަލްސާގައި، ވާހަކަ ދައްކަވަމުން މެމްބަރު އަފީފް ވިދާޅުވީ ކޯވިޑް-19 އާއި ގުޅިގެން އޮޑިޓަރ ޖެނެރަލް ނެރުއްވާފައިވާ ރިޕޯޓުތަކުގައި ކޮރަޕްޝަނަށް މަގުފަހިވާ އެތައް ކަމެއް ފާހަގަކޮށްފައިވާ އިރު، އެކަން ބަލަން އޮތް މުއައްސަސާގެ ހިލަމެއް ނުވާކަމަށެވެ. އެގޮތުން ކޯވިޑް-19 އާ ގުޅިގެން ވެންޓިލޭޓަރުތައް ގެންނަން ހެލްތު މިނިސްޓްރީން ކުރި ޚަރަދުތައް އޭސީސީ އަށް ބެލިފައި ނުވާ ކަމަށާއި، އަދި އެކަމާ ގުޅިގެން ހެލްތް މިނިސްޓަރު އަމީން މިހާރުން މިހާރަށް އިސްތިއުފާ ދެއްވަންޖެހޭ ކަމަށް އަފީފް ވިދާޅުވިއެވެ.
"މިއަދު ހެލްތު މިނިސްޓަރު އެބަޖެހޭ އިސްތިއުފާ ދެއްވަން، ހެލްތު މިނިސްޓްރީގެ ބިޑު ކޮމިޓީން ކަމެއް ގޯސްކޮށް ހިނގާފައި އޮތިއްޔާ އެކަމެއް ވާނީ މިނިސްޓަރުގެ އިހުމާލުން، ހެލްތު މިނިސްޓަރު ގޭގައި ހުންނަވައިގެން އެކަމެއް އިސްލާހެއް ނުވާނެ." އަފީފް ވިދާޅުވިއެވެ.
އެމަރޖެންސީ ބޭނުމަށް ކަމަށްބުނެ، ބިޑް ހުޅުވާނުލާ ވެންޓިލޭޓަރުތައް ގެނައި އިރު އެ ހަވާލު ކޮށްފައިވަނީ ރަނގަޅު އަގުގައިތޯވެސް ބަލަންޖެހޭ ކަމަށާއި، ކުއްލި ހާލަތްތަކުގައިވެސް އަމަލުކުރަން ވަކިގޮތްތަކެއް މާލިއްޔަތު ގާނޫނުގައި އޮތް ކަމަށް އަފީފް ވިދާޅުވިއެވެ. ސަރުކާރު ޖަވާބު ދާރީ ކުރުވަން ކުރަންޖެހޭ ވަރަށް ގިނަ މަސައްކަތްތަކެއް ހުރިކަން ފާހަގަ ކުރައްވާ އަފީފް ވިދާޅުވީ ވަޒީރުން، މަޖިލީހުގެ ކޮމިޓީތަކާއި މަޖިލީހުގެ ތަޅުމަށް ހާޒިރުކޮށް ސުވާލު ކުރަންޖެހޭ ކަންކަންވެސް ހުންނަ ކަމަށެވެ.
އަފީފް ވިދާޅުވީ ސަރުކާރުގެ ވަޒީރުން ކަންކަން ސިއްރު ކުރަންޖެހިވަޑައިގަންނަވާ ސަބަބެއް އެނގިވަޑައި ނުގަންނަވާ ކަމަށެވެ. އަދި އެގޮތަށް އަމަލު ކުރައްވާނަމަ ރައްޔިތުން މި ސަރުކާރުގެ އިޚްލާސްތެރިކަމާއިމެދު ސުވާލު އުފައްދަވާނެ ކަމަށްވެސް އެމްޑީޕީއަށް ނިސްބަތްވާ މެމްބަރު އަފީފް ވިދާޅުވިއެވެ.
ކޯވިޑްގެ ޚަރަދުތަކާއި ގުޅިގެން އޮޑިޓަރ ޖެނެރަލް ނެރުއްވި ހެލްތު މިނިސްޓްރީގެ ޚާއްޞަ އޮޑިޓް ރިޕޯޓްގައި ކޮރަޕްޝަނަށް ތުހުމަތު ކުރެވޭ ގިނަ ކަންތައްތަކެއް ފާހަގަ ކުރައްވާފައިވާތީއާއި އުސޫލުތަކާއި ޚިލާފަށް އޮޅުވާލައިގެން ބޮޑެތި ޚަރަދުތަކެއް ކޮށްފައިވާ ކަމަށް ތުހުމަތުކޮށްފައިވާތީ މައްސަލަ ބަލައި ނިމެންދެން ހެލްޔު މިނިސްޓަރ އަމީން ވަނީ އަމިއްލައަށް ޒިންމާ ތަކުން އެކަހެރިވެ ވަޑައިގެންފައެވެ.
"މިއަދު ހެލްތު މިނިސްޓަރު އެބަޖެހޭ އިސްތިއުފާ ދެއްވަން، ހެލްތު މިނިސްޓްރީގެ ބިޑު ކޮމިޓީން ކަމެއް ގޯސްކޮށް ހިނގާފައި އޮތިއްޔާ އެކަމެއް ވާނީ މިނިސްޓަރުގެ އިހުމާލުން، ހެލްތު މިނިސްޓަރު ގޭގައި ހުންނަވައިގެން އެކަމެއް އިސްލާހެއް ނުވާނެ." އަފީފް ވިދާޅުވިއެވެ.
އެމަރޖެންސީ ބޭނުމަށް ކަމަށްބުނެ، ބިޑް ހުޅުވާނުލާ ވެންޓިލޭޓަރުތައް ގެނައި އިރު އެ ހަވާލު ކޮށްފައިވަނީ ރަނގަޅު އަގުގައިތޯވެސް ބަލަންޖެހޭ ކަމަށާއި، ކުއްލި ހާލަތްތަކުގައިވެސް އަމަލުކުރަން ވަކިގޮތްތަކެއް މާލިއްޔަތު ގާނޫނުގައި އޮތް ކަމަށް އަފީފް ވިދާޅުވިއެވެ. ސަރުކާރު ޖަވާބު ދާރީ ކުރުވަން ކުރަންޖެހޭ ވަރަށް ގިނަ މަސައްކަތްތަކެއް ހުރިކަން ފާހަގަ ކުރައްވާ އަފީފް ވިދާޅުވީ ވަޒީރުން، މަޖިލީހުގެ ކޮމިޓީތަކާއި މަޖިލީހުގެ ތަޅުމަށް ހާޒިރުކޮށް ސުވާލު ކުރަންޖެހޭ ކަންކަންވެސް ހުންނަ ކަމަށެވެ.
ކޯވިޑްގެ ޚަރަދުތަކާއި ގުޅިގެން އޮޑިޓަރ ޖެނެރަލް ނެރުއްވި ހެލްތު މިނިސްޓްރީގެ ޚާއްޞަ އޮޑިޓް ރިޕޯޓްގައި ކޮރަޕްޝަނަށް ތުހުމަތު ކުރެވޭ ގިނަ ކަންތައްތަކެއް ފާހަގަ ކުރައްވާފައިވާތީއާއި އުސޫލުތަކާއި ޚިލާފަށް އޮޅުވާލައިގެން ބޮޑެތި ޚަރަދުތަކެއް ކޮށްފައިވާ ކަމަށް ތުހުމަތުކޮށްފައިވާތީ މައްސަލަ ބަލައި ނިމެންދެން ހެލްޔު މިނިސްޓަރ އަމީން ވަނީ އަމިއްލައަށް ޒިންމާ ތަކުން އެކަހެރިވެ ވަޑައިގެންފައެވެ.
ކިޔުންތެރިންގެ ހިޔާލު