ހަރުކަށި ފިކުރުގެ މީހުން ބޭނުންވަނީ އަންހެނުން ގޭގައި ބޭތިއްބުމަށް ކަމަށް ވިދާޅުވެ އަންހެން ޓެކްސީ ޑްރައިވަރުގެ ކާރަށް ގެއްލުން ދިނުމުގެ ފަހަތުގައި ވަނީ ދީނީ ހަރުކަށި ފިކުރުގެ ވިސްނުން ކަމަށް ދޭހަވާ ގޮތަށް ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދު މިއަދު ވާހަކަ ދައްކަވައިފިއެވެ.
މާލޭގައި ޓެކްސީކުރާ އަންހެން ޑްރައިވަރ އައިމިނަތު ވަހީދާގެ ކާރަށް ގެއްލުން ދިނުމާ ގުޅިގެން މިއަދުގެ ރައްޔިތުންގެ މަޖިލީހުގެ ޖަލްސާއަށް ހުށައެޅި ކުއްލި މައްސަލައާ ގުޅޭގޮތުން ވާހަކަދައްކަވަމުން ރައީސް ނަޝީދު ވަނީ އެ ޢަމަލު ދީނީގޮތުން ހަރުކަށި މީހުންނާ ގުޅުވާފައެވެ. ރައީސް ނަޝީދު ވިދާޅުވީ، ހަރުކަށި ފިކުރުގެ މީހުން ބޭނުންވަނީ ހަމައެކަނި ޖިންސީ އެދުން ފުއްދުމަށާއި ކިރުމައިންގެ ގޮތުގައި އަންހެނުން ގޭގައި ބޭތިއްބުމަށް ކަމަށެވެ.
"ހަރުކަށި ފިކުރުގެ މީހުން ބޭނުންވާ ބޭނުމެއް އަންހެނުން ގޭގައި ބައިތިއްބާ، ހަމައެކަނި ޖިންސީ އެދުން ފުއްދާ ކިރު މައިންގެ ގޮތުގައާ، ދަރިން ބަލައި ގޭގައި ނޯކިރީ ކުރާ ބައެެއްގެ ގޮތުގައި ބޭތިއްބުން. މި ފިކުރުގެ ބައްޓަމަށް ދިވެހި މުޖުތަމައު އެނބުރުމަށް ބަޔަކު ބިރުދައްކައިގެން ބާރުގެ ބޭނުންކޮށްގެން، އިންތިޒާމު ވެގެން ހިނގަމުން އަންނަ މަސައްކަތެއް." ރައީސް ނަޝީދު ވިދާޅުވިއެވެ.
އެމަނިކުފާނު ވިދާޅުވީ އައިންތުގެ ކާރަށް ދިން ޙަމަލާ އަކީ ވަކި ގޮތަކަށް ދިވެހި މުޖުތަމައު އެނބުރުމަށް އިންތިޒާމު ވެގެން ހިންގަމުން އަންނަ މަސައްކަތެއް ކަމަށާއި، އެ އިންތިޒާމުގައި ދައުލަތުގެ މުއައްސަސާތަކުން ބައިވެރިވޭތޯ މަޖިލިސް މެންބަރުން ސުވާލު އުފައްދަވާކަމަށެވެ.
"ހަރުކަށި ފިކުރުގެ މީހުން ބޭނުންވާ ބޭނުމެއް އަންހެނުން ގޭގައި ބައިތިއްބާ، ހަމައެކަނި ޖިންސީ އެދުން ފުއްދާ ކިރު މައިންގެ ގޮތުގައާ، ދަރިން ބަލައި ގޭގައި ނޯކިރީ ކުރާ ބައެެއްގެ ގޮތުގައި ބޭތިއްބުން. މި ފިކުރުގެ ބައްޓަމަށް ދިވެހި މުޖުތަމައު އެނބުރުމަށް ބަޔަކު ބިރުދައްކައިގެން ބާރުގެ ބޭނުންކޮށްގެން، އިންތިޒާމު ވެގެން ހިނގަމުން އަންނަ މަސައްކަތެއް." ރައީސް ނަޝީދު ވިދާޅުވިއެވެ.
އެމަނިކުފާނު ވިދާޅުވީ އައިންތުގެ ކާރަށް ދިން ޙަމަލާ އަކީ ވަކި ގޮތަކަށް ދިވެހި މުޖުތަމައު އެނބުރުމަށް އިންތިޒާމު ވެގެން ހިންގަމުން އަންނަ މަސައްކަތެއް ކަމަށާއި، އެ އިންތިޒާމުގައި ދައުލަތުގެ މުއައްސަސާތަކުން ބައިވެރިވޭތޯ މަޖިލިސް މެންބަރުން ސުވާލު އުފައްދަވާކަމަށެވެ.
ކިޔުންތެރިންގެ ހިޔާލު