އެކަނި މަހަށް ނުކުމެ އުޅެނިކޮށް ގެއްލުނު މީހާ ފެނިއްޖެއެވެ.

އެމްއެންޑީއެފުން ބުނީ ރިޔަލު ދޯންޏެއްގައި އެކަނި މަހަށް ނުކުމެ އުޅެނިކޮށްގެއްލުނު އެމީހާ ފެނިފައިވަީ ރަންނާޅި ރިސޯޓުގެ އިރުމަތިން ދޯންޏާއެކު އޮޔާ ދަނިކޮށް މިއަދު 18:26 ހާއިރުކަމަށެވެ. ފެނުނުއިރު އޭނާގެ ޙާލު ރަނގަޅުކަމަށްވެސް އެމްއެމްޑީއެފުން ވަނީ ބުނެފައެވެ.

އަދި އެމީހާ އެމްއެންޑީއެފްގެ ކޯސްޓްގާޑްގެ ލޯންޗްގައި މާލެއަތޮޅު މާފުއްޓަށް ގެންދިއުމުގެ މަސައްކަތް ކުރަމުންދާކަމަށް އެމްއެންޑީއެފުން ވަނީ ބުނެފައެވެ.

K.Maafushin, kuda dhoanyeh gai ekani mahahfuri 81 aharuge meehaa ge khabareh nuvegen MNDF MA CG ge FIC “Velaana” in hoadhamun dhanikoh 18:26 haairu fenijje. Mi meehaa fenifaivanee Adhaaran Club Ranaahli Resort ge irumathin dhoanyaa eku oyaa dhanikoh. eynage haalu rangalhu. pic.twitter.com/G9frbWCjKJ

— Maldives National Defence Force (@MNDF_Official) January 21, 2021

ގެއްލިގެން ހޯދަމުން ދިޔައީ އުމުރުން 81 އަހަރުގެ އަހުމަދު އާދަމް މަނިކް އެވެ. އޭނާ އަކީ ވާހަކަ ދެއްކުމުން މަހްރޫމްވެފައިވާ މީހެއްކަމަށް މަޢުލޫމާތު ލިބިފައިވެއެވެ. އެކަމާގުޅިގެން އޭނާ މަހަށްދިޔަ ދޯނީގެ ވެރިފަރާތް ކަމަށްވާ ކުރީގެ ޓްރާންސްޕޯޓް މިނިސްޓަރ މުޙައްމަދު އާދިލް ސަލީމް ވިދާޅުވީ، އިއްޔެ އާދަމް އޭނާ އާއި ވާހަކަ ތަކެއް ދެއްކި ކަމަށެވެ. އަދި އާދަމް އަކީ ވާހަކަ ނުދެއްކޭ މީހަކަށް ވާތީ އޭނާ ކީއެއްޗެއް ސާފު ނޫން ކަމަށާއި، ނަމަވެސް އޭނާ ބުނި ވާހަކަ ތަކަށް އާނބަސް ބުނި ކަމަށް އާދިލް ސަލީމް ވިދާޅުވިއެވެ.

އާދިލް ސަލީމް ވިދާޅުވީ، އެހެންކަމުން އޭނާގެ ދޯނީގައި އާދަމް މަހަށް ދިޔައީ ހުއްދަ ހޯދައިގެން ކަމަށެވެ.