ކުރީގެ ރައީސް އަލްއުސްތާޛު މައުމޫން އަބްދުލްގައްޔޫމަށް، ވިޔަފާރިވެރިޔާ އަބްދުﷲ ޖާބިރު ދެއްވި 29 މިލިއަން ރުފިޔާއަށް ރައީސް މައުމޫންގެ ދަރިކަލުން ދިއްގަރު ދާއިރާގެ ކުރީގެ މެންބަރު އަހުމަދު ފާރިސް މައުމޫން ހިޔާނާތްތެރިވި ކަމަށް ވިދާޅުވެ، ޖާބިރުގެ އަނބިކަނބަލުން ދިޔާނާ ސައީދު ފުލުސް އޮފީހަށް މައްސަލަ ހުށަހަޅުއްވައިފިއެވެ.
ޖާބިރު ގެންދަވަނީ މިދިޔަ ރިޔާސީ އިންތިހާބުގެ ކެމްޕެއިނަށް، ރައީސް މައުމޫނަށް 29 މިލިއަން ރުފިޔާ ދެއްވި ކަމަށާއި ނަމަވެސް އެ ފައިސާ ރައީސް މައުމޫން އަނބުރާ ނުދެއްވާ ކަމަށް ތަކުރާރުކޮށް ވިދާޅުވަމުންނެވެ. އަދި އެކަމާ ގުޅޭ މައްސައެއް ޖާބިރު ކޯޓަށްވެސް ހުށައަޅުއްވާފައިވެއެވެ. ނަމަވެސް ރައްޔިތުންގެ މަޖިލީހުގެ ކާށިދޫ ދާއިރާގެ މެމްބަރު ޖާބިރުގެ އެ ތުހުމަތު ރައީސް މައުމޫން ދޮގު ކުރައްވައެވެ. ރައީސް މައުމޫން ވިދާޅުވެފައިވަނީ އެފައިސާ އެމަނިކުފާނަށް ލިބިވަޑައިގެންފައި ނުވާ ކަމަށެވެ.
އެކަމާ ގުޅިގެން ދިޔާނާ ފުލުސްއޮފީހަށް ހުށައެޅުއްވި މައްސަލާގައި ވަނީ އެ 29 މިލިއަން ރުފިޔާގެ ތެރެއިން 24 މިލިއަން ރުފިޔާ ފާރިސް އާއި ޙަވާލު ކުރެއްވީ އޭނާ ކަމަށެވެ. އަދި އެ ފައިސާ ރައީސް މައުމޫނަށް ލިބިވަޑައިނުގަންނަވާ ނަމަ ފާރިސް އެ ފައިސާއަށް ޚިޔާނާތްތެރިވެ ވަޑަގެންނެވީ ކަމަށް ދިޔާނާ ވިދާޅުވެފައިވެއެވެ. އަދި ފައިސާގެ މުޢާމަލާތްތަކާމެދު މަޝްވަރާކޮށް އެއްބަސްވުމަށް މެލޭޝިއާގައި ރައީސް މައުމޫނާއި ބައްދަލު ކުރެއްވި ކަމަށް ދިޔާނާ ވަނީ ވިދާޅުވެފައެވެ.
އަދި އެ ފައިސާގެ މުޢާމަލާތް ކުރިއަށް ގެންދިއުމަށް ގެރެންޓީއެއްގެ ގޮތުގައި މއ. ކިނބިގަސްދޮށުގޭ ރަޖިސްޓްރީ ބޭއްވުމަށްވެސް ރައީސް މައުމޫން ހުށައެޅުއްވި ކަމަށާއި، ނަމަވެސް ރައީސް މައުމޫންގެ ބަސްފުޅު އެއީ އެކަމުގެ ގެރެންޓީއަކަށް ފުދޭ ކަމަށް ޖާބިރު ވިދާޅުވި ކަމަށް ދިޔާނާގެ ސިޓީގައި ވެއެވެ. އެހެން ނަމަވެސް ރައީސް މައުމޫނުގެ ބަސްފުޅު ގެރެންޓީއަކަށް ނުވި ކަމާއި އެ ފައިސާ ހޯދުމަށް ސިވިލް ކޯޓަށް ހުށަހެޅުމުން ޝަރީއަތުގައި ވެސް މައުމޫން ވިދާޅުވީ އެ ފައިސާ ލިބިވަޑައި ނުގަންނަވާ ކަމަށެވެ.
އެހެންކަމުން އެ މައްސަލާގައި ފާރިސްގެ މައްޗަށް ހިޔާނާތުގެ ތަހުގީގު ކޮށްދެއްވުމަށް އެދި ދަންނަވާކަމަށް ދިޔާނާގެ ސިޓީގައި ވިދާޅުވެފައިވެއެވެ.
އެކަމާ ގުޅިގެން ދިޔާނާ ފުލުސްއޮފީހަށް ހުށައެޅުއްވި މައްސަލާގައި ވަނީ އެ 29 މިލިއަން ރުފިޔާގެ ތެރެއިން 24 މިލިއަން ރުފިޔާ ފާރިސް އާއި ޙަވާލު ކުރެއްވީ އޭނާ ކަމަށެވެ. އަދި އެ ފައިސާ ރައީސް މައުމޫނަށް ލިބިވަޑައިނުގަންނަވާ ނަމަ ފާރިސް އެ ފައިސާއަށް ޚިޔާނާތްތެރިވެ ވަޑަގެންނެވީ ކަމަށް ދިޔާނާ ވިދާޅުވެފައިވެއެވެ. އަދި ފައިސާގެ މުޢާމަލާތްތަކާމެދު މަޝްވަރާކޮށް އެއްބަސްވުމަށް މެލޭޝިއާގައި ރައީސް މައުމޫނާއި ބައްދަލު ކުރެއްވި ކަމަށް ދިޔާނާ ވަނީ ވިދާޅުވެފައެވެ.
#DRP Leader Hon @chairmanjabir athun Raees @maumoonagayoom nengevi RF29Million ge therein RF24Million havaal kurumaai havaalvelevvi @dhiyanasaid efaisaa havaal kurevvee Faris aah kamah, adhi mimassala balaa dhevvumah edhi @PoliceMv ah husha alhuvvaifi @VaguthuOnline @cnm_mv pic.twitter.com/WmTgo8J8C7
— DRP (@drpmaldives) January 23, 2021
އެހެންކަމުން އެ މައްސަލާގައި ފާރިސްގެ މައްޗަށް ހިޔާނާތުގެ ތަހުގީގު ކޮށްދެއްވުމަށް އެދި ދަންނަވާކަމަށް ދިޔާނާގެ ސިޓީގައި ވިދާޅުވެފައިވެއެވެ.
ކިޔުންތެރިންގެ ހިޔާލު