ޚާއްސަ އެހީއަށް ބޭނުންވާ ޒުވާނެއްގެ ކަންބޮޑުވުންތަކަށް މާލޭ ސިޓީ ކައުންސިލުން އަވަސް ޙައްލެއް ގެނެސްދީފިއެވެ.

ރޭ ސޯޝަލް މީޑިއާގައި ޚާއްސަ އެހީއަށް ބޭނުންވާ ޒުވާނަކު ކޮށްފައިވާ ފޭސްބުކް ޕޯސްޓެއްގައި ބުނެފައިވަނީ، އޭނާ އަކީ ހާބަރު ފުޑްކޯޓަށް ވަރަށް ގިނައިން އަންނަ މީހެއް ކަމަށެވެ. ނަމަވެސް ފުޑްކޯޓަށް ވަންނަ ދޮރާ ދިމާލުގައި ހަރުކޮށްފައިވާ ދަގަނޑުތަކުގެ ސަބަބުން އޭނާ އަށް ފުޑް ކޯޓަށް ނުވަދެވުނު ކަމަށް އޭނާ ވަނީ ބުނެފައެވެ. އަދި އެކަމާ ވަރަށް ބޮޑަށް ހިތާމަކުރާކަމަށް އޭނާ ބުނެފައިވެއެވެ.

"ފުޑް ކޯޓަކީ އަޅުގަނޑު ވަރަށް ގިނައިން އަންނަ ތަނެއް އެހެނަސް މިއަދު މިވަނީ ހާލަތު ބަދަލުވެފައި. އާންމު ތަންތަން ހަދާ މަރާމާތު ކުރާއިރު އަޅުގަނޑުމެންނާ މެދު ވިސްނާނީ ކޮންއިރަކުބާ." ދަގަނޑުތައް ކުރިމަތީގައި އިންދެ ނަގާފައިވާ ފޮޓޯ ޙިއްސާކުރަމުން އެ ޒުވާނާ ބުނެފައިވެއެވެ.

Getting this fixed. Apologies. https://t.co/wlBYPXL09S pic.twitter.com/zMcAH9rXYN

— Male' City Council (@MaleCitymv) January 26, 2021

އެ ޒުވާނާގެ ކަންބޮޑުވުންތަކާ ގުޅިގެން މާލޭ ސިޓީގެ ޑެޕިއުޓީ މޭޔަރ ޝަމާއު ޝަރީފް ވަނީ، އެކަމާ މާފަށް އެދިވަޑައިގެން އެކަމަށް އަވަސް ޙައްލެއް ހޯއްދަވައި ދެއްވާނެކަމަށް ވިދާޅުވެފައެވެ. އަދި އެއީ ހިނގައިގެން ވާނެ ކަމެއް ނޫން ކަމަށާއި، އެއީ އޮޅުމަކުން ވެފައިވާ ކަމެއް ކަމަށް ޝަމާއު ވިދާޅުވިއެވެ.

Have checked this with our staff.
Many apologies. Shouldn’t happen. Was a mistake.
Will make accessible today.

— Shamau Shareef (@schamau) January 25, 2021

ޝަމާއު އެހެން ވިދާޅުވިތާ 24 ގަޑިއިރު ނުވަނީސް ސިޓީ ކައުންސިލުން ވަނީ އެ ދަގަނޑުތައް ނަގައި ފުޑްކޯޓަށް ފުރޮޅުލީ ގޮނޑީގައިވެސް ވަދެވޭ ގޮތަށް އިސްލާޙު ކޮށްފައެވެ. އެކަމާ ގުޅިގެން މީސްމީޑިއާގައި ގިނަ ބަޔަކު ގެންދަނީ ސިޓީ ކައުންސިލަށް ޝުކުރު އަދާކޮށް ރައްޔިތުންނަށް އަވަސް ޚިދުމަތް ފޯރުކޮށްދިނުމަކީ އެއީ ކަމަށް ބުނަމުންނެވެ.