ދަޢުލަތުން ކޮށްފައިވާ ކޮރަޕްޝަންގެ ދަޢުވާއަށް ކުރީގެ ނާއިބު ރައީސް ޢަބްދުﷲ ޖިހާދު އިންކާރު ކުރަށްވައިފިއެވެ.
ކ. ފުށިދިއްގަރުފަޅު ސްޕެޝަލް ޓޫރިސްޓް ޒޯނެއްގެ ގޮތުގައި ތަރައްޤީކުރުމުގެ މަޝްރޫޢާ ގުޅިގެން، އޭރުގެ މިނިސްޓަރ އޮފް ފިނޭންސް އެންޑް ޓެރެޜަރީގެ މަގާމުގައި ހުންނެވި ޢަބްދުالله ޖިހާދުގެ މައްޗަށް ދައުވާ ކުރަނީ ކޮރަޕްޝަން ހުއްޓުވުމާ މަނާކުރުމުގެ ޤާނޫނުގެގެ ދަށުން ރައްޔިތުންނަށް ނުވަތަ ދައުލަތަށް ފައިދާއެއް ލިބެންއޮތް ކަމެއްގައި އެނޫންގޮތަކަށް ޢަމަލުކުރުމުގެ ކުށުގައެވެ.
ކްރިމިނަލް ކޯޓުގައި މިއަދު ހެނދުނު 9:00 ގައި ބޭއްވި އެ ދައުވާގެ އަޑުއެހުމުގައި ދަޢުވާ އިއްވުމުން ޖިހާދު ވަނީ އެ ދަޢުވާއަށް އިންކާރު ކުރަށްވާފައެވެ. އެހެންކަމުން ދަޢުލަތުން ވަނީ ޖިހާދާ ދެކޮޅަށް ޝަފަވީ ދެ ހެއްކާއި ކިތާބީ ހެކި މިއަދު ހުށައަޅުއްވާފައެވެ. ދަޢުލަތުން ހެކި ހުށައެޅުމުން ޝަރީޢަތުން ވަނީ ޖިހާދުގެ ފަރާތުން ލިޔުމުން ދިފާޢީ ހެކި ހުށައެޅުމަށް ތިން ދުވަހުގެ މުއްދަތެއް ދީފައެވެ. އަދި ޝަރީޢަތާ ގުޅޭގޮތުން ހުށައަޅާ ހެކިތައް ހުށައެޅުމަށް ސާދަ ދުވަހުގެ މުއްދަތެއް ޝަރީޢަތުން ވަނީ ދީފައެވެ.
ދަޢުލަތުން ޖިހާދުގެ މައްޗަށް އުފުލާ ދަޢުވާއަކީ ފުށިދިއްގަރު ސްޕެޝަލް ޓޫރިސްޓު ޒޯނެއްގެ ގޮތުގައި ތަރައްގީކުރުމަށްޓަކައި ސަރުކާރުގެ 50 އިންސައްތަ ހިއްސާވާ ގޮތަށް ޖޮއިންޓް ވެންޗާ އެއްބަސްވުމެއް ހެދުމަށް ނޮވެމްބަރު، 29، 2011 ގައި ވަޒީރުންގެ މަޖިލީހުން ނިންމާފައިވާ ނިންމުމާއި ޚިލާފަށް ޖިހާދު ޢަމަލު ކުރެއްވި ކަމަށެވެ. އެގޮތުން ސަރުކާރުގެ ނިންމުމުގައި އޮތީ އެ މަޝްރޫއަށް ސަރުކާރުން އެއްވެސް ފައިސާއެއް ހަރަދުކުރަން ނުޖެހޭ ގޮތަށާއި އެ މަޝްރޫއުގެ ބިމު ކުލި ދައުލަތަށް ލިބެން ޖެހޭނެ ކަމަށެވެ.
އެކަމަކު ފިނޭންސް މިނިސްޓަރުގެ މަގާމުގައި ހުންނަވައިގެން ޖިހާދު އެ ރަށުގެ އެއްބަސްވުމުގައި ސޮއިކުރައްވާފައިވަނީ ވަޒީރުންގެ މަޖިލީހުގެ ނިންމެވުމާ ކަނޑައެޅިގެން ހިލާފަށް ކަމަށް ޕީޖީ އޮފީހުން ވަނީ ބުނެފައެވެ. އެ އޮފީހުން ބުނީ ވަޒީރުންގެ މަޖިލީހުގެ ނިންމެވުމާ ހިލާފުވާންޖެހޭ ސަބަބެއް ނެތި ޖިހާދު، ޕްރައިމް ކެޕިޓަލް މޯލްޑިވްސް ލިމިޓެޑާއެކު ސޮއިކުރެއްވީ 50 ޕަސެންޓުގެ ބަދަލުގައި ދިވެހި ދައުލަތުގެ 25 ޕަސެންޓް ހިއްސާ އޮންނަ ގޮތަށް ޖޮއިންޓް ވެންޗާ ކުންފުންޏެއް ހެދުމަށް ކަމަށެވެ.
ޕީޖީން ބުނެފައިވާ ގޮތުން ޖިހާދުގެ މި ޢަމަލުގެ ސަބަބުން ރައްޔިތުންނަށާއި ދައުލަތަށް ލިބެންއޮތް ފައިދާއިން، ހަމައެކަނި ބިމު ކުލީގެ ގޮތުގައިވެސް 750,713,604 އެމެރިކާ ޑޮލަރު އުނިވެފައި ވާކަމަށެވެ.
މިމައްސަލަ މީގެ ކުރިން 2013 ވަނަ އަހަރު އެންޓި ކޮރަޕްޝަން ކޮމިޝަނަށް ހުށަހެޅި ނަމަވެސް އޭރު އެ ކޮމިޝަނުން ނިންމީ މި މުއާމަލާތުގައި ކޮރަޕްޝަން އެކުލެވިގެން ނުވާ ކަމަށެވެ. އެގޮތަށް އޭސީސީން ނިންމީ 2016 ވަނަ އަހަރު އެވެ.
ކްރިމިނަލް ކޯޓުގައި މިއަދު ހެނދުނު 9:00 ގައި ބޭއްވި އެ ދައުވާގެ އަޑުއެހުމުގައި ދަޢުވާ އިއްވުމުން ޖިހާދު ވަނީ އެ ދަޢުވާއަށް އިންކާރު ކުރަށްވާފައެވެ. އެހެންކަމުން ދަޢުލަތުން ވަނީ ޖިހާދާ ދެކޮޅަށް ޝަފަވީ ދެ ހެއްކާއި ކިތާބީ ހެކި މިއަދު ހުށައަޅުއްވާފައެވެ. ދަޢުލަތުން ހެކި ހުށައެޅުމުން ޝަރީޢަތުން ވަނީ ޖިހާދުގެ ފަރާތުން ލިޔުމުން ދިފާޢީ ހެކި ހުށައެޅުމަށް ތިން ދުވަހުގެ މުއްދަތެއް ދީފައެވެ. އަދި ޝަރީޢަތާ ގުޅޭގޮތުން ހުށައަޅާ ހެކިތައް ހުށައެޅުމަށް ސާދަ ދުވަހުގެ މުއްދަތެއް ޝަރީޢަތުން ވަނީ ދީފައެވެ.
ދަޢުލަތުން ޖިހާދުގެ މައްޗަށް އުފުލާ ދަޢުވާއަކީ ފުށިދިއްގަރު ސްޕެޝަލް ޓޫރިސްޓު ޒޯނެއްގެ ގޮތުގައި ތަރައްގީކުރުމަށްޓަކައި ސަރުކާރުގެ 50 އިންސައްތަ ހިއްސާވާ ގޮތަށް ޖޮއިންޓް ވެންޗާ އެއްބަސްވުމެއް ހެދުމަށް ނޮވެމްބަރު، 29، 2011 ގައި ވަޒީރުންގެ މަޖިލީހުން ނިންމާފައިވާ ނިންމުމާއި ޚިލާފަށް ޖިހާދު ޢަމަލު ކުރެއްވި ކަމަށެވެ. އެގޮތުން ސަރުކާރުގެ ނިންމުމުގައި އޮތީ އެ މަޝްރޫއަށް ސަރުކާރުން އެއްވެސް ފައިސާއެއް ހަރަދުކުރަން ނުޖެހޭ ގޮތަށާއި އެ މަޝްރޫއުގެ ބިމު ކުލި ދައުލަތަށް ލިބެން ޖެހޭނެ ކަމަށެވެ.
ޕީޖީން ބުނެފައިވާ ގޮތުން ޖިހާދުގެ މި ޢަމަލުގެ ސަބަބުން ރައްޔިތުންނަށާއި ދައުލަތަށް ލިބެންއޮތް ފައިދާއިން، ހަމައެކަނި ބިމު ކުލީގެ ގޮތުގައިވެސް 750,713,604 އެމެރިކާ ޑޮލަރު އުނިވެފައި ވާކަމަށެވެ.
މިމައްސަލަ މީގެ ކުރިން 2013 ވަނަ އަހަރު އެންޓި ކޮރަޕްޝަން ކޮމިޝަނަށް ހުށަހެޅި ނަމަވެސް އޭރު އެ ކޮމިޝަނުން ނިންމީ މި މުއާމަލާތުގައި ކޮރަޕްޝަން އެކުލެވިގެން ނުވާ ކަމަށެވެ. އެގޮތަށް އޭސީސީން ނިންމީ 2016 ވަނަ އަހަރު އެވެ.
ކިޔުންތެރިންގެ ހިޔާލު