މާފަންނު ޕޮލިސް ސްޓޭޝަނަށްވަދެ ފުލުހަކަށް މަރުގެ އިންޒާރު ދިން މީހާ ހައްޔަރުކުރީ ކޯޓު އަމުރެއްނެތިކަން ހާމަވެއްޖެއެވެ.
އޭނާ ދޫކޮށްލުމަށް އަންގައި ކްރިމިނަލް ކޯޓުން އިއްޔެ ނެރެފައިވާ އަމުރުގައިވަނީ, އެމީހާ ހައްޔަރުކޮށްފައިވަނީ ކޯޓު އަމުރެއް ނެތި ކަމަށާއި އަދި ހައްޔަރުކުރީ ކުށުގެ ވެށިންވެސް ނޫން ކަމަށެވެ. ޖިނާއީ އިޖުރާއަތުގެ ގާނޫނުގައިވާ ގޮތުން, ކޯޓު އަމުރެއް ނެތި މީހަކު ހައްޔަރުކުރެވޭނީ ހަމައެކަނި ކުށުގެ ވެށިންނެވެ.
އެހެންކަމުން އޭނާ ހައްޔަރުކޮށްފައިވަނީ އިޖުރާއަތާ އެއްގޮތަށް ނޫން ކަމަށް ކަނޑައަޅައި އެމީހާ ދޫކޮށްލަން ކޯޓުން ވަނީ އަމުރުކޮށްފައެވެ.
ޕޮލިސް ސްޓޭޝަނަށް ވަދެ ފުލުހަކަށް މަރުގެ އިންޒާރު ދިން މީހަކު ހައްޔަރު ކޮށްފައިވާ ކަމަށް ކޮމިޝަނަރ އޮފް ޕޮލިސް މުޙައްމަދު ހަމީދުވެސް ވަނީ ވިދާޅުވެފައެވެ.
ހަމީދު ވިދާޅުވީ، ޖަމާއަތް ހަދައިގެން ރާވައިގެން ކުށްކުރާ، މާފަންނުގައި ހަރަކާތްތެރިވާ ގުރޫޕަކަށް ނިސްބަތްވާ މީހަކު ވައްކަންކުރިކަމުގެ ތުހުމަތަށް ހައްޔަރުކުރުމުން އެގްރޫޕަށް ނިސްބަތްވާ މީހަކު މާފަންނު ސްޓޭޝަނަށް ވަދެ، އެ ސްޓޭޝަންގައި މަސައްކަތް ކުރާ ކޮންސްޓަބަލްއަކަށް މަރުގެ އިންޒާރު ދީފައިވާ ކަމަށެވެ. އެހެންކަމުން އެ މައްސަލާގައި އިންޒާރު ދިން މީހާ ހައްޔަރު ކޮށްފައިވާ ކަމަށް ސީޕީ ވިދާޅުވިއެވެ.
ސީޕީ ވިދާޅުވީ، މި މައްސަލައަށްފަހު އެ ސްޓޭޝަން ދޮށަށް އެއްވި އެ ގްރޫޕުގެ މީހުނާމެދުވެސް ފިޔަވަޅު އަޅުއްވާނެ ކަމަށެވެ. އަދި ޖަމާއަތް ހަދައިގެން ކުށްކުރުމާއި، އާންމު އިޖުތިމާއީ މިންގަނޑުތަކާއި ހިލާފް އަމަލުތައް ހިންގާ، ރައްޔިތުންގެ ހިތްތަކަށް ބިރުވެރިކަން ވަންނަ ގޮތަށް ހަރަކާތްތެރިވާ ގުރޫޕުތަކާ ދެކޮޅަށް ފިޔަވަޅު އަޅުއްވަމުން ގެންދާނެކަމަށް ސިޕީ ހަމީދު ވިދާޅުވި އެވެ.
ފުލުހަކަށް މަރުގެ އިންޒާރު ދީފައި މިވަނީ، މިފަހުން ފުލުހުންގެ ދެ މީހަކު އޮފްޑިއުޓީގައި އުޅެނިކޮށް ގުރޫޕަކުން އެ ދެ މީހުންނަށް އަނިޔާކޮށްފައި ވަނިކޮށެވެ. އެ މައްސަލާގައި މިހާތަނަށް 10 މީހަކުވަނީ ހައްޔަރު ކޮށްފައެވެ.
ސީޕީ ހަމީދު މީގެ ކުރިން ވިދާޅުވެފައިވަނީ، ފުލުހުންނާ ދިމާކޮށް އިންޒާރުދީ އަނިޔާވެރިވާ ފަރާތްތަކަށް ހަރުކަށި ފިޔަވަޅު އެޅުމުގައި ފަސްޖެހިވަޑައިނުގަންނަވާނެ ކަމަށެވެ.
އެހެންކަމުން އޭނާ ހައްޔަރުކޮށްފައިވަނީ އިޖުރާއަތާ އެއްގޮތަށް ނޫން ކަމަށް ކަނޑައަޅައި އެމީހާ ދޫކޮށްލަން ކޯޓުން ވަނީ އަމުރުކޮށްފައެވެ.
ޕޮލިސް ސްޓޭޝަނަށް ވަދެ ފުލުހަކަށް މަރުގެ އިންޒާރު ދިން މީހަކު ހައްޔަރު ކޮށްފައިވާ ކަމަށް ކޮމިޝަނަރ އޮފް ޕޮލިސް މުޙައްމަދު ހަމީދުވެސް ވަނީ ވިދާޅުވެފައެވެ.
ހަމީދު ވިދާޅުވީ، ޖަމާއަތް ހަދައިގެން ރާވައިގެން ކުށްކުރާ، މާފަންނުގައި ހަރަކާތްތެރިވާ ގުރޫޕަކަށް ނިސްބަތްވާ މީހަކު ވައްކަންކުރިކަމުގެ ތުހުމަތަށް ހައްޔަރުކުރުމުން އެގްރޫޕަށް ނިސްބަތްވާ މީހަކު މާފަންނު ސްޓޭޝަނަށް ވަދެ، އެ ސްޓޭޝަންގައި މަސައްކަތް ކުރާ ކޮންސްޓަބަލްއަކަށް މަރުގެ އިންޒާރު ދީފައިވާ ކަމަށެވެ. އެހެންކަމުން އެ މައްސަލާގައި އިންޒާރު ދިން މީހާ ހައްޔަރު ކޮށްފައިވާ ކަމަށް ސީޕީ ވިދާޅުވިއެވެ.
ސީޕީ ވިދާޅުވީ، މި މައްސަލައަށްފަހު އެ ސްޓޭޝަން ދޮށަށް އެއްވި އެ ގްރޫޕުގެ މީހުނާމެދުވެސް ފިޔަވަޅު އަޅުއްވާނެ ކަމަށެވެ. އަދި ޖަމާއަތް ހަދައިގެން ކުށްކުރުމާއި، އާންމު އިޖުތިމާއީ މިންގަނޑުތަކާއި ހިލާފް އަމަލުތައް ހިންގާ، ރައްޔިތުންގެ ހިތްތަކަށް ބިރުވެރިކަން ވަންނަ ގޮތަށް ހަރަކާތްތެރިވާ ގުރޫޕުތަކާ ދެކޮޅަށް ފިޔަވަޅު އަޅުއްވަމުން ގެންދާނެކަމަށް ސިޕީ ހަމީދު ވިދާޅުވި އެވެ.
ސީޕީ ހަމީދު މީގެ ކުރިން ވިދާޅުވެފައިވަނީ، ފުލުހުންނާ ދިމާކޮށް އިންޒާރުދީ އަނިޔާވެރިވާ ފަރާތްތަކަށް ހަރުކަށި ފިޔަވަޅު އެޅުމުގައި ފަސްޖެހިވަޑައިނުގަންނަވާނެ ކަމަށެވެ.
ކިޔުންތެރިންގެ ހިޔާލު