އަނިޔާވެރި ބިމެއްގައި ގާތީ އިންސާފުގެ ގަސް ނުފެޅުން ކަމަށް ރައްޔިތުންގެ މަޖިލީހުގެ މަކުނުދޫ ދާއިރާގެ ކުރީގެ މެމްބަރު އަނާރާ ނަޢީމް ވިދާޅުވެއްޖެއެވެ.

އަނާރާ ނަޢީމް މިއަދު ކުރަށްވާފައިވާ ޓްވީޓެއްގައި ވަނީ، އަނިޔާވެރި ބިމެއްގައި ގާތީ އިންސާފުގެ ގަސް ނުފެޅުން ކަމަށާއި، އަންނަން އޮތް ޖީލުތަކުގެ ޙައްޤުގައި ރަނގަޅު ބިމެއް ވާރުތަކޮށްދިނުމަށް މިއަދު ކޮންމެ ފަރުދަކުމެ އިންސާފުވެރި މީހަކަށް ވާން ޖެހޭ ކަމަށެވެ.

އަނިޔާވެރި ބިމެއްގަ ގާތީ އިންސާފުގެ ގަހެއް ނުފެޅުމެވެ. އަންނަން އޮތް ޖީލުތަކުގެ ޙައްޤުޤަ ރަނގަޅު ބިމެއް ވާރުތަކޮށްދިނުމަށް މިއަދު ހަމަ ކޮންމެ ފަރުދަކުމެ އިންސާފުވެރި މީހަކަށް ވާށެވެ.

— Anara Naeem (@AnaraNaeem) July 4, 2020

އަނާރާ މިފަދަ ޓްވީޓެއް ކުރަށްވާފައި މިވަނީ، ޖިންސީ އަނިޔާ އާއި، ރޭޕްގެ މައްސަލަތަކުގައި އިންސާފް ނުލިބޭ ކަމަށްބުނެ ސޯޝަލް މީޑިއާގައި ގިނަބަޔަކު ކަންބޮޑުވުން ފާޅުކުރަމުންދާ ދުވަސްވަރެއްގައެވެ.

އަނާރާގެ ޓްވީޓާއި ގުޅިގެން، ރައްޔިތުންގެ މަޖިލީހުގެ ނޮޅިވަރަމް ދާއިރާގެ ކުރީގެ މެމްބަރު ޙުސައިން އަރީފް ވަނީ ކީރިތި ޤުރުއާނުގައި ނުބައިކަން ބޮޑު 3 ފަރާތެއް އެއްބައިވެ ގުޅުމުގެ ވާހަކަ ބުނެދީފައިވާކަމަށް ވިދާޅުވެފައެވެ.

ކީރިތި ޤުރުއާނުގައިވޭ ނުބައިކަން ބޮޑު 3 ފަރާތެއް އެއްބައިވެ ގުޅުމުގެ ވާހަކަ ބުނެދީފައި
1އިލާހަކަށްވެގަނެގެން އުޅުނު (ފިރުޢައުނު) 2 އަމިއްލަ އެދުމަށްޓަކައި އަނިޔާވެރި ވެރިޔާއަށް ލަފާދޭ ސިޔާސީ މީހާ (ހާމާނު)
3 އަނިޔާވެރި ވެރިކަމުގެ ފުށުން މާއްދީ ފައިދާތަކެއް ލިބޭތީ އުޅުނު (ޤާރޫނު)

— Hussain Areef (@husainaryf) July 4, 2020

ޢަރީފް ވިދާޅުވީ ނުބައިކަންބޮޑު 3 ފަރާތެއް ގުޅުމާއި ބެހޭގޮތުން ޤުރުއާނުގައި ވަނީ، ފިރުޢައުނާއި، ހާމާނާއި، ޤާރޫނުގެ ވާހަކަ ކަމަށެވެ.