ރާއްޖެއިން ކޯވިޑް-19 އިން ރައްކާތެރިވުމަށް ކުރަމުންދާ މަސައްކަތްތަކަށާއި، އިޤްތިޞާދީގޮތުން ދިމާވެފައިވާ ދަތިތަކުން އަރައިގަތުމަށް ކުރަމުންދާ މަސައްކަތްތަކަށް އެމެރިކާއިން ވަމުންދާ އެހީތެރިކަމަށްޓަކައި އެމެރިކާ ސަރުކާރަށް ޚާރިޖީ ވަޒީރު ޢަބްދުﷲ ޝާހިދު ޝުކުރު އަދާކުރައްވައިފިއެވެ.

ޚާރިޖީ ވަޒީރު ޢަބްދުﷲ ޝާހިދު އެމެރިކާ ސަރުކާރަށް ޝުކުރު އަދާކުރެއްވީ، އެމެރިކާގެ ސެކެޓްރީ އޮފް ސްޓޭޓް މައިކް ޕޮންޕިއޯ އާ ފޯނުން ގުޅުއްވުމަށްފަހު ކުރެއްވި ޓުވީޓެއްގައެވެ. ޝާހިދު ކުރެއްވި ޓުވީޓެއްގައި ވިދާޅުވެފައިވަނީ ޕޮންޕިއޯ އާއެކު ވަރަށް ކާމިޔާބު މަޝްވަރާތަކެއް ކުރެއްވުނު ކަމަށެވެ. އަދި ކޯވިޑް-19 އިން ރައްކާތެރިވުމަށް ރާއްޖެއިން ކުރަމުންދާ މަސައްކަތްތަކަށާއި އިޤްތިޞާދީގޮތުން ދިމާވެފައިވާ ދަތިތަކުން އަރައިގަތުމަށް ކުރަމުންދާ މަސައްކަތްތަކަށް އެމެރިކާއިން ވަމުންދާ އެހީތެރިކަމަށްޓަކައި އެމެރިކާ ސަރުކާރަށް ޝުކުރު އަދާކުރައްވާފައިވާ ކަމަށްވެސް މިނިސްޓަރ ވަނީ ވިދާޅުވެފައެވެ.

Had an excellent conversation with @SecPompeo on enhancing 🇲🇻- 🇺🇸 bilateral and multilateral cooperation. We also discussed the #Covid19 pandemic response and I thanked the U.S. govt. for providing frontline support & assistance towards economic relief & recovery to the Maldives. pic.twitter.com/ePzzEt1Ono

— Abdulla Shahid (@abdulla_shahid) July 6, 2020

މި ބައްދަލުވުމާ ބެހޭގޮތުން ކުރެއްވި ޓްވީޓެއްގައި، ސެކެޓްރީ އޮފް ސްޓޭޓް މައިކް ޕޮންޕިއޯ ވަނީ، ރާއްޖެއިން ކޯވިޑް-19 އާއި ދެކޮޅަށް ކުރާ މަސައްކަތްތަކަށް އެމެރިކާއިން އެއްބާރުލުން ދެމުންދާނެކަމުގެ ޔަޤީންކަން ދެއްވާފައެވެ. ޕޮމްޕިއޯއާއި ފޮރިން މިނިސްޓަރ ޝާހިދާއި ދެބޭފުޅުން ކުރެއްވި ފޯނު ކޯލުގައި މަޝްވަރާކުރެއްވި ކަންތައްތަކާ ގުޅޭގޮތުން އެމެރިކާގެ ސްޓޭޓް ޑިޕާޓްމަންޓުން ވަނީ ބަޔާނެއްވެސް ނެރެފައެވެ.

Great conversation today with Maldivian Foreign Minister @abdulla_shahid. The U.S. will continue working with Maldives to fight COVID-19 and promote sustainable economic development. I look forward to growing the U.S.-Maldives relationship and strengthening our partnership.

— Secretary Pompeo (@SecPompeo) July 6, 2020

މިބަޔާނުގައި ވާގޮތުން ސަރަހައްދީ އަދި ބައިނަލްއަޤްވާމީ މައިދާނުގައި ދެ ޤައުމުން، އެއްޤައުމު އަނެއް ޤައުމަށް އެއްބާރުލުންދީ، މުހިންމު ކަންތައްތަކުގައި އެކުގައި މަސައްކަތް ކުރުމާއިބެހޭ ގޮތުން މަޝްވަރާކުރައްވާފައިވާކަމަށް ވަނީ ބުނެފައެވެ. ޚާއްސަކޮށް ކޯވިޑް-19 ކޮންޓްރޯލްކުރުމަށް ދެޤައުމުން ގުޅިގެން މަސައްކަތް ކުރެވޭނެ ގޮތްތަކާއި، ކޯވިޑް-19 އާއި ދެކޮޅަށް ރާއްޖެއިން ކުރަމުންދާ މަސައްކަތްތަކަށް އެމެރިކާއިން ދެމުންދާ އެހީތަކާއި އަދި އިތުރަށް އެހީތެރިކަން ފޯރުކޮށްދެވިދާނެ ގޮތްތަކާ ގުޅޭގޮތުންވެސް މަޝްވަރާކުރައްވާފައިވާކަމަށް މި ބަޔާނުގައިވެއެވެ. އެގޮތުން ދެމެހެއްޓެނިވި ގޮތެއްގައި ރާއްޖޭގެ އިޤްތިސާދު ކުރިއެރުވުމާއިބެހޭ ގޮތުންނާއި ދެޤައުމުގެ ގުޅުން އިތުރަށް ބަދަހިކުރުމާބެހޭ ގޮތުން މަޝްވަރާކޮށްފައިވާ ކަމަށް ބަޔާންކޮށްފައިވެއެވެ.

We are proud to be partners with Maldives and applaud their efforts to strengthen democracy and partner with countries across the Indo-Pacific. @SecPompeo & @abdulla_shahid's call shows that the US-Maldives relationship has never been stronger, and will only grow from here.

— State_SCA (@State_SCA) July 6, 2020

ރާއްޖެއާއިއެކު އެމެރިކާއިން ޑިޕްލޮމެޓިކް ގުޅުން ޤާއިމްކުރީ 1966 ވަނަ އަހަރުއެވެ.