ވިލިމާލެއިން ގެއްލުނު އަންހެން މީހާ ފެނިއްޖެ ކަަމަށް ދިވެހި ފުލުހުންގެ ޚިދުމަތުން ބުނެފިއެވެ.

މިއަދު ހެނދުނު 11:40 އެހައިކަންހާއިރު މާލެއިން މި މީހާ ފެނިފައިވާ ކަމަށް ފުލުހުން ބުނެފައި ވެއެވެ.

ފުލުހުން ބުނީ ވިލިމާލޭގައި ދިރިއުޅޭ ދ. މީދޫ / ދުނބުރިމާގެ، މަރްޔަމް ރާމިޒާ (36އ) އާއިލާއަށް ޚަބަރެއްނުވެ ގެއްލިފައިވާ ކަމަށް ޖަނަވަރީ 24 ވަނަ ދުވަހުގެ 20:37 އެހައިކަންހާއިރު ރިޕޯޓުކޮށްފައިވާތީ އޭނާ ހޯދުމުގެ މަސައްކަތް ކޮށްފައިވާ ކަމަށެވެ.

ފުލުހުން ބުނީ ރާމިޒާ އެންމެ ފަހުން އާއިލާއަށް ފެނިފައިވަނީ މިދިޔަ އަންގާރަ ދުވަހުގެ ރޭ 21:00 އެހަކަންހާއިރު އޭނާ ދިރިއުޅޭ ގެއިން ކަމަށް އާއިލާއިން ބުނެފައިވާ ކަމަށެވެ.