ދ. ކުޑަހުވަދޫ ދާރުއްސަލާމު، 15 އަހަރުގެ އާދަމް ޒިޔާން މުހައްމަދު ގެއްލިގެން ހޯދުމުގެ މަސައްކަތް ފުލުހުން ފަށައިފި އެވެ.

ފުލުހުން މިއަދު މައުލޫމާތު ދިންގޮތުގައި ޒިޔާން ގެއްލިގެން ފުލުހުންނަށް އެންމެ ފުރަތަމަ އާއިލާއިން އަނގާފައިވަނީ މިދިޔަ ހުކުރު ދުވަހު އެވެ. އެހެންކަމުން ޒިޔާން ހޯދުމުގެ މަސައްކަތް ފުލުހުން ކުރަމުންދާ ކަމަށް ބުނެފައިވާއިރު އެކަމާ ބެހޭ އިތުރު މައުލޫމާތެއް ދީފައެއް ނުވެ އެވެ.

ފުލުހުން ބުނެފައިވާ ގޮތުގައި ޒިޔާން މިހާރު އުޅެމުންދަނީ ހުޅުމާލެ ފްލެޓް ނަންބަރު 128-4-01ގަ އެވެ. އަދި އެންމެފަހުން އެކުއްޖާ ފެނިފައިވަނީ މިދިޔަ ބުރާސްފަތި ދުވަހު ރޭ 11 ޖެހިއިރު އެކުއްޖާގެ ގެއިން ކަމަށް އާއިލާއާ ހަވާލާދީ ފުލުހުން ބުނެފައިވެ އެވެ.

ފުލުހުން ކުރަމުން ގެންދާ ތަހުގީގުގައި އެހީވުމަށް އާދަމް ޒިޔާން މުހައްމަދާ ބެހޭ އެއްވެސް މައުލޫމާތެއް ލިބިފައިވާނަމަ ފުލުހުންގެ ހޮޓްލައިން (3322111) އަށް ނުވަތަ ފެމިލީ އެންޑް ޗައިލްޑް ޕްރޮޓެކްޝަންގެ ނަމްބަރ (9790163/3000600) އަށް ގުޅުއްވުމަށް ވަނީ އެދިފަ އެވެ.