ކެފޭއެއްގެ ބަދިގެއެއްގެ ދުން ހޮޅިން ދުން ލީކުވެ ހަތް މީހަކަށް ފަރުވާ ދޭން ފަށައިފި އެވެ.

ފުލުހުން ބުނީ ދުން ލީކުވީ ބޮޑުރަސްގެފާނު މަގުގައި ހުރި ކެފޭއެއްގެ ބަދިގޭގެ ދުންހޮޅިން ކަމަށެެވެ.

އަދި ދުން ލީކުވުމާއެކު ހަތް މީހުން އަނބުރައިގަނެގެން ހޮސްޕިޓަލަށް ގެންދިޔަ ކަމަށް ފުލުހުން މަޢުލޫމާތު ދީފައިވެއެވެ.

ފުލުހުން ބުނީ އެކަން ރިޕޯޓްކޮށްފައި ވަނީ މިއަދު ހެނދުނު ހައެއް ޖަހާކަންހާއިރު ކަމަށެވެ.

އެ ހާދިސާގައި ހޮސްޕިޓަލަށް ގެންދިޔައީ ސްރީލަންކާ މީހަކާއި އިންޑިއާ މީހަކާއި ބަންގްލަދޭޝް ދެ މީހުންގެ އިތުރުން ނޭޕާލް ތިން މީހުންް ކަމަށް ފުލުހުން ބުނެއެވެ.

ފުލުހުން ބުނީ އެއްވެސް މީހެއްގެ ހާލު ސީރިއަސް ނޫން ކަމަށާއި އެ މައްސަލަ މިހާރު ބަލަމުންދާ ކަަމަށެވެ.