ސޮފްޓްވެއަރ މަސައްކަތެއް ކުރުމަށް އެސްޓީއޯ ފާމަސީތައް މާދަމާ ބަންދުވާނެ ކަމަށް އެ ކުންފުނިން ހާމަކޮށްފިއެވެ.

އެސްޓީއޯއިން މިއަދު ބުނީ އެސްޓީއޯގެ ބޭސްފިހާރަތަކުގައި ބޭނުންކުރާ ސޮފްޓްވެއާ އަށް ބަދަލުތަކެއް ގެންނަން ޖެހޭތީ އެ ތަންތަނުގެ ހިދުމަތް މާދަމާ މެދުކެނޑޭނެ ކަމަށެވެ.

އަދި ބޭސްފިހާރަތަކުގެ ސޮފްޓުވެއާ އަޕްގްރޭޑް ކުރަނީ އެ ހިދުމަތް އިތުރަށް ފުޅާކުރުމަށްޓަކައި ކަމަށް އެސްޓީއޯއިން މަޢުލޫމާތުދެއެވެ.

Important Announcement 📢📢
Temporary Closure on 31st May 2024 for current software upgrade. pic.twitter.com/l20SuSPzIA

— STO Medical Services (@StoMedical) May 30, 2024

ފާމަސީތަކުން ބޭސް ވިއްކުން މެދުކަނޑާލި ނަމަވެސް، އިމަޖެންސީ ހާލަތްތަކުގައި ބޭސް ލިބޭނެ ގޮތްތައް ހަމަޖައްސާނެ ކަމަށް އެސްޓީއޯ އިން ހާމަކޮށްފައިވެއެވެ.

އެސްޓީއޯއިން މި ވަގުތު 190 ފާމަސީ ރާއްޖޭގެ އެކި ރަށްރަށުގައި ހިންގައެވެ.