އުމުރުން އެންމެ ދިހަ އަހަރުގެ ކުޑަ ކުއްޖާއަށް ޖިންސީ ގޯނާކުރި 51 އަހަރުގެ މީހާ 30 ދުވަހަށް ބަންދުކުރަން ކޯޓުން ހުކުމްކޮށްފިއެވެ.

މި ހާދިސާ ހިނގާފައި ވަނީ ރާއްޖޭގެ ދެކުނުގެ ރަށެއްގައެވެ. ސައުތު ސެންޓްރަލް ޕޮލިސް (މުލަކަތޮޅު، ނިލަންދެއަތޮޅު އުތުރުބުރި، ނިލަންދެއަތޮޅު ދެކުނުބުރި، ކޮޅުމަޑުލު އަދި ހައްދުންމަތި) ގައި ހިމެނޭ ރަށެއްގައި ކުޑަކުއްޖަކަށް ޖިންސީ ގޯނާ ކުރި ކަމަށް ތުހުމަތުކުރެވޭ މައްސަލައެއް ފުލުހުންނަށް ރިޕޯޓް ކުރީ އިއްޔެއެވެ.

މި މައްސަލައިގައި ފުލުހުން ބުނާ ގޮތުގައި އުމުރުން ދިހަ އަހަރުގެ އަންހެން ކުއްޖަކަށް ޖިންސީ ގޯނާކުރި މައްސަލައިގައި ހައްޔަރުކުރީ އުމުރުން 51 އަހަރުގެ ދިވެހި ފިރިހެނެކެވެ.

މި ފިރިހެންމީހާގެ ބަންދާއި މެދު ގޮތެއް ނިންމުމަށް ކޯޓަށް ހާޒިރު ކުރުމުން އޭނާގެ ބަންދަށް 30 ދުވަސް ޖަހާފައިވާ ކަމަށް ފުލުހުން ވަނީ ބުނެފައެވެ.