ސިހުރު ހަދާކަމުގެ ތުހުމަތުގައި ރ. މީދޫއާއި ރ. އަލިފުށީގައި ފުލުހުންގެ ހާއްސަ އޮޕަރޭޝަނެއް ފަށައިފިއެވެ.

ފުލުހުންގެ އިދާރާއިން ބުނީ، ސިހުރުހަދާކަމަށް ރިޕޯޓު ކޮށްފައިވާ މައްސަލައަކާ ގުޅިގެން ރ. މީދޫ އަދި އަލިފުށީގަައި ފުލުހުން ދަނީ ހާއްސަ އޮޕަރޭޝަނެއް ހިންގަމުން ކަމަށެވެ.

މި މައްސަލައިގެ ތަފުސީލު ފަހުން ހާމަކުރާނެކަމަށްބުނެ ފުލުހުންގެ އިދާރާއިން މި ކަމުގެ އިތުރު ތަަފުސީލު އަދި ދީފައެއް ނުވެއެވެ.

މަޢުލޫމާތު ލިބިފައިވާ ގޮތުގައި ކޯޓު އަމުރެއްގެ ދަށުން ފުލުހުންދަނީ އެ ދެ ރަށުގެ ބައެއް ގެތަށް ބަލާ ފާސްކުރަމުންނެވެ. ފުލުހުން މިފަދަ އޮޕަރޭޝަނެއް ކުރިއަށް ގެންދާއިރު މިފަހުން އެ ދެ ރަށުގެ މީހުންވެސް އެކި ދުވަސްތަކުގައި ސިހުރުގެ ކަންތައްތައް ބޮޑުވެގެން އެ މައްސަލައިގެ ވާހަކަތައް މީސްމީޑިއާގައި ވެސް ލިޔެފައިވާކަން ފާހަގަ ކުރެވެއެވެ.

ސިހުރު ހެދުމުގެ މައްސަލަތަކުގައި އެކި ތަންތަން ބަލާ ފާސްކުރުމަކީ މީގެ ކުރިންވެސް ކުރަމުންދާ ކަމެކެވެ. އަދި އެފަދަ މައްސަލަތަކުގައި މީހުން ހައްޔަރުކޮށްފައިވެސް އެބަހުއްޓެވެ.