ދަތުރުފަތުރު ކުރުމުގައި ރައްކާތެރިނޫން ޤައުމުތައް ކަނޑައަޅާފައިވާ ޔޫކޭގެ ރެޑްލިސްޓުން ރާއްޖެ އުނިކޮށްފިއެވެ.

ޔޫކޭގެ ރެޑް ލިސްޓުން 8 ޤައުމެއް އުނިކުރުމަށް ނިންމާފައިވާކަން އިޢުލާނުކޮށްފައިވަނީ އެ ޤައުމުގެ ސެކެޓްރީ އޮފް ސްޓޭޓް ފޯރ ޓްރާންސްޕޯޓް ގްރާންޓް ޝެޕްސް ކުރެއްވި ޓްވީޓެއްގައެވެ.

އެގޮތުން 22 ސެޕްޓެމްބަރުން ފެށިގެން އެޤައުމުގެ ރެޑްލިސްޓުން އުނިކުރުމަށް ނިންމާފައިވަނީ، ދިވެހިރާއްޖެ، ޕާކިސްތާން، ސްރީލަންކާ، އޮމާން، ބަންގްލަދޭޝް، ކެންޔާ އަދި އިޖިޕްޓެވެ.

We’ll also be introducing a new simplified system for international travel from Mon 4 Oct 🌐, replacing the current approach with a single red list 🔴 and simplified measures for the rest of the world - striking the right balance to manage the public health risk as No.1 priority.

— Rt Hon Grant Shapps MP (@grantshapps) September 17, 2021

ރާއްޖެ އިނގިރޭސިވިލާތުގެ ރެޑް ލިސްޓުން އުނިކޮށްފައި މިވަނީ، ރާއްޖެއިން އިނގިރޭސިވިލާތަށް ކަނަޑައަޅާފައި ހުންނަވާ ސަފީރު ޑރ. ފަރަހަނާޒް ފައިސަލް، ރާއްޖެ އެގައުމުގެ ރެޑްލިސްޓުގައި އޮންނަން ޖެހޭ ކަމަށް ގަބޫލުނުކުރައްވާ ކަމަށް ވިދާޅުވެ ކަންބޮޑުވުން ފާޅުކުރަށްވާފައިވަނިކޮށެވެ.

ކޯވިޑްގެ ޙާލަތު ރާއްޖޭގައި ފާއިތުވި ދެމަހެއްހާ ދުވަހުގެ ތެރޭގައި ވަނީ ވަރަށް ބޮޑަށް ރަނގަޅުވެފައެވެ. އިނގިރޭސިވިލާތް ހިމެނެނީ ރާއްޖެއަށް އެންމެ ގިނަ ފަތުރުވެރިން ޒިޔާރަތްކުރާ ޤައުމުތަކުގެ ތެރޭގައެވެ.