އޮޑިޓަރ ޖެނެރަލްގެ އޮފީހުގެ އިމާރާތް އެޅުމަށް ހުޅުމާލެއިން ބިމެއް ދީފިއެވެ.

ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ) އިން ބުނީ، އޮޑިޓް އޮފީހުގެ އާ އިމާރާތް ހުޅުމާލޭގައި އެޅުމަށްޓަކައި އެ އޮފީހަށް ބިމެއް ދިނުމުގެ އެއްބަސްވުމުގައި މިއަދު ސޮއި ކޮށްފައިވާކަމަށެވެ. އެޗްޑީސީގެ އޮފީހުގައި މިއަދު ބޭއްވި ރަސްމިއްޔާތެއްގައި މި އެއްބަސްވުމުގައި އެޗްޑީސީގެ ފަރާތުން ސޮއި ކުރެއްވީ ޑެޕިއުޓީ މެނޭޖިން ޑިރެކްޓަރ އަޙްމަދު އާތިފެވެ. އަދި އޮޑިޓް އޮފީހުގެ ފަރާތުން ސޮއި ކުރެއްވީ ޑިރެކްޓަރ އޮފް ކޯޕަރޭޓް ސަރވިސް ނަޝްވާ ފިރާގެވެ.

އެޗްޑީސީގެ މީޑިއާ އޮފިޝަލް ވިދާޅުވީ، މި އެއްބަސްވުމުގެ ދަށުން 17,426,43 އަކަފޫޓުގެ ބިން އޮޑިޓް އޮފީހަށް ދިނުމަށް ހަމަޖެހިފައިވާކަމަށެވެ.

An agreement was signed with Auditor General’s Office for the development of an office building in Hulhumalé.

Our Deputy Managing Director, Mr. Ahmed Athif, and Auditor General’s Office Director of Corporate Services, Mrs. Nashwa Firaq, signed the agreement today. pic.twitter.com/HVWgQSkFFe

— HDC (@hdcmaldives) June 28, 2022

މާލޭގެ ތޮއްޖެހުން ކުޑަކޮށް ސަރުކާރުގެ ބޮޑެތި އޮފީސްތައް ހުޅުމާލެއަށް ބަދަލު ކުރުމަށް މިހާރު ކުރަމުން ގެންދާ މަސައްކަތުގެ ތެރެއިން ހައްޖު ކޯޕަރޭޝަންގެ އިމާރާތް އެޅުމަށް އެ ކުންފުންޏަށް ވެސް އެޗްޑީސީން މި މަސްތެރޭވަނީ ބިމެއް ހަމަޖައްސައިދީފައެވެ.