ނެޝަނަލް ސޯޝަލް ޕްރޮޓެކްޝަން އެޖެންސީ، އެންސްޕާގެ ތެރެއިން އެވަނީ މަނީލޯންޑަރ ކޮށްފައި ކަމަށާއި އެހެންކަމުން އެތަނުގެ ވެރިއަކަށް ހުންނެވި ރައީސް އޮފީހުގެ ތަރުޖަމާނު ހީނާ ވަލީދު މަގާމުން ދުރަށްޖެހިވަޑައިގަންނަވަން ޖެހޭކަމަށް ކުރީގެ ރައީސް ޔާމީން ޢަބްދުލްޤައްޔޫމް ވިދާޅުވެއްޖެއެވެ.
މިރޭ ޕީއެންއެފުން ބޭއްވި ޖަލްސާގައި ވާހަކަފުޅު ދައްކަވަމުން ޔާމީން ވިދާޅުވީ، މޯލްޑިވްސް މީޑިއާ ހައުސްގެ ނަމުގައި ހިންގަން ފެށި ޓީވީ ހިންގާ އިމާރާތުން އެންސްޕާގެ އޮފީސް ހިންގަން ކުއްޔަށް ބައެއް ނެގުމުގައި ހިންގާފައި އެވަނީ ބޮޑު ކޮރަޕްޝަންގެ އަމަލެއްކަމަށެވެ.
ޔާމީން ވިދާޅުވީ، އިމާރާތުން ބައެއް ކުއްޔަށް ހިފަން އެވޯޑުކުރި ލިޔުން އެއޮތީ ހާމައަށް ފެންނަން ކަމަށާއި އެއޮތީ މަނީލޯންޑަރ ކޮށްފައި ކަމަށެވެ.
އެހެންކަމުން މޯލްޑިވްސް މީޑިއާ ހައުސްއަކީ ރައީސް ޑރ. މުޙައްމަދު މުޢިއްޒުގެ ތަނެއް ނޫންނަމަ އެކަން އެމަނިކުފާނު މިހާރު ވިދާޅުވާން ޖެހިވަޑައިގަންނަވާނޭ ކަމަށާއި ނޫންނަމަ ދިވެހި ރައްޔިތުން ގަބޫލުކުރާނީ އެއީ ރައީސްގެ ތަނެއްގެގޮތުގައި ކަމަށް ޔާމީން ވިދާޅުވިއެވެ.
އަދި އެފަދަ ބޮޑުކަމެއް ހިންގީތީ ހީނާ ވަލީދު މަގާމުން ދުރުވާން ޖެހޭނެކަމަށާއި ހީނާގެ މައްޗަށް މަނީ ލޯންޑަރ ކުރުމުގެ ދައުވާ އުފުލަންޖެހޭނެކަމަށް ޔާމީން ވިދާޅުވިއެވެ.
“ހީނާ އެބަޖެހޭ މަގާމުން ދުރުވާން. ހީނާއަށް އެބަޖެހޭ މަނީލޯންޑަރ ކުރުމުގެ ދައުވާ އުފުލަން” ޔާމީން ވިދާޅުވިއެވެ.
ޔާމީން ވިދާޅުވީ، މިއީ ކުންފުންޏަކާއި ގުޅޭ މައްސަލައެއްކަމުގައި ވީނަމަވެސް، މައްސަލަ ތަހުގީގުކުރާއިރު ބަލާނީ އެކަމުން ފައިދާ ލިބިގަތް ފަރާތްތައް ކަމަށާއި މިފަދަ މައްސަލަތަކުގައި އަންނާނީ ޝަހުސީ ދައުވާއެއްކަމަށެވެ. އެހެންކަމުން ނަޒާހާތްތެރިކަން ސާބިތުކޮށްދިނުމަށް ވެސް ހީނާ މިވަގުތު އިސްތިއުފާ ދެއްވަން ޖެހޭކަމަށް ޔާމީން ވިދާޅުވިއެވެ.
ޔާމީން އިތުރަށް ވިދާޅުވީ، މަނީލޯންޑަރ ކުރުމުގެ އަމަލެއް ހިންގާފައި ފަހުން ބަޔާންތަކެއް ނެރުނު ނަމަވެސް ކުރި ކަމަކީ ރަނގަޅުކަމެއްކަމަށް ނުވާނެކަމަށެވެ. އަދި މަޖިލީހުގެ ތެރޭގައި މިފަދަ ވާހަކަތައް ދައްކަން ފުރުސަތު ނުދީ މިއަދު ހުށަހެޅި ކުއްލި މައްސަލަ ބޭރުކޮށްލާފައިވާތީ އެކަން ވެސް ޔާމީން ވަނީ ފާހަގަ ކުރައްވާފައެވެ.
ރައީސް ޑރ. މުޢިއްޒު ޕްރޮމޯޓް ކުރުމަށް އުފައްދާފައިވާ ޓީވީ ޗެނަލް، މޯލްޑިވްސް މީޑިއާ ހައުސް ހިންގުމަށް ކުއްޔަށް ނަގާފައިވާ އިމާރާތުން އެންސްޕާގެ އޮފީސް ހިންގުމަށް އިމާރާތެއް ކުއްޔަށް ހިފުމުގެ ނަމުގައި ޓީވީ ޗެނަލް ހިންގާ ބައިގެ ކުލިވެސް ހިމެނޭހެން އެކަށީގެންވާވަރަށްވުރެ ބޮޑު އަގުގައި އެންސްޕާއިން އެތަން ކުއްޔަށް ހިފާފައިވާކަމަށް ބުނެ އިދިކޮޅު ފަރާތްތަކުން ދަނީ ތުހުމަތު ކުރަމުންނެވެ.
އެކަން ބޮޑަށް ފާހަގަވީ ތަން ކުއްޔަށް ނެގުމަށް އެވޯޑު ކޮށްފައިވާ ލިޔުން އާންމުވުމުންނެވެ. ނަމަވެސް، އެންސްޕާއިން މިހާރު ވަނީ ތުހުމަތުތައް ދޮގުކޮށް ބަޔާނެއް ނެރެފައެވެ. އަދި މިއަދު ވަނީ އޮފީސް ސްޕޭސް ކުއްޔަށް ހިފުމަށް ހެދި އެގްރީމެންޓް ބާތިލުކުރަން ނިންމާފައިވާކަން ހާމަކޮށްފައެވެ.
ޔާމީން ވިދާޅުވީ، އިމާރާތުން ބައެއް ކުއްޔަށް ހިފަން އެވޯޑުކުރި ލިޔުން އެއޮތީ ހާމައަށް ފެންނަން ކަމަށާއި އެއޮތީ މަނީލޯންޑަރ ކޮށްފައި ކަމަށެވެ.
އެހެންކަމުން މޯލްޑިވްސް މީޑިއާ ހައުސްއަކީ ރައީސް ޑރ. މުޙައްމަދު މުޢިއްޒުގެ ތަނެއް ނޫންނަމަ އެކަން އެމަނިކުފާނު މިހާރު ވިދާޅުވާން ޖެހިވަޑައިގަންނަވާނޭ ކަމަށާއި ނޫންނަމަ ދިވެހި ރައްޔިތުން ގަބޫލުކުރާނީ އެއީ ރައީސްގެ ތަނެއްގެގޮތުގައި ކަމަށް ޔާމީން ވިދާޅުވިއެވެ.
“ހީނާ އެބަޖެހޭ މަގާމުން ދުރުވާން. ހީނާއަށް އެބަޖެހޭ މަނީލޯންޑަރ ކުރުމުގެ ދައުވާ އުފުލަން” ޔާމީން ވިދާޅުވިއެވެ.
ޔާމީން ވިދާޅުވީ، މިއީ ކުންފުންޏަކާއި ގުޅޭ މައްސަލައެއްކަމުގައި ވީނަމަވެސް، މައްސަލަ ތަހުގީގުކުރާއިރު ބަލާނީ އެކަމުން ފައިދާ ލިބިގަތް ފަރާތްތައް ކަމަށާއި މިފަދަ މައްސަލަތަކުގައި އަންނާނީ ޝަހުސީ ދައުވާއެއްކަމަށެވެ. އެހެންކަމުން ނަޒާހާތްތެރިކަން ސާބިތުކޮށްދިނުމަށް ވެސް ހީނާ މިވަގުތު އިސްތިއުފާ ދެއްވަން ޖެހޭކަމަށް ޔާމީން ވިދާޅުވިއެވެ.
ރައީސް ޑރ. މުޢިއްޒު ޕްރޮމޯޓް ކުރުމަށް އުފައްދާފައިވާ ޓީވީ ޗެނަލް، މޯލްޑިވްސް މީޑިއާ ހައުސް ހިންގުމަށް ކުއްޔަށް ނަގާފައިވާ އިމާރާތުން އެންސްޕާގެ އޮފީސް ހިންގުމަށް އިމާރާތެއް ކުއްޔަށް ހިފުމުގެ ނަމުގައި ޓީވީ ޗެނަލް ހިންގާ ބައިގެ ކުލިވެސް ހިމެނޭހެން އެކަށީގެންވާވަރަށްވުރެ ބޮޑު އަގުގައި އެންސްޕާއިން އެތަން ކުއްޔަށް ހިފާފައިވާކަމަށް ބުނެ އިދިކޮޅު ފަރާތްތަކުން ދަނީ ތުހުމަތު ކުރަމުންނެވެ.
އެކަން ބޮޑަށް ފާހަގަވީ ތަން ކުއްޔަށް ނެގުމަށް އެވޯޑު ކޮށްފައިވާ ލިޔުން އާންމުވުމުންނެވެ. ނަމަވެސް، އެންސްޕާއިން މިހާރު ވަނީ ތުހުމަތުތައް ދޮގުކޮށް ބަޔާނެއް ނެރެފައެވެ. އަދި މިއަދު ވަނީ އޮފީސް ސްޕޭސް ކުއްޔަށް ހިފުމަށް ހެދި އެގްރީމެންޓް ބާތިލުކުރަން ނިންމާފައިވާކަން ހާމަކޮށްފައެވެ.
ކިޔުންތެރިންގެ ހިޔާލު