ސިނަމާލެ ބްރިޖުގައި މަސައްކަތްކުރަމުންދިޔަ ބިދޭސީއަކު މަރުވިކަމަށް ބުނެވުނީ އޮޅުމަކުން ކަމަށާއި، މަރުވީ ތިލަމާލެ ބްރިޖުގައި މަސައްކަތް ކުރަމުންދިޔަ ބިދޭސީއެއް ކަމަށް ދިވެހި ފުލުހުންގެ ހިދުމަތުން ބުނެފިއެވެ.

ފުލުހުން މީޑިއާތަކަށް އިއްޔެދިން މައުލޫމާތުގައި ވާގޮތުން އެ ބިދޭސީ މީހާ އަނބުރައިގަނެގެން ހޯމަދުވަހުގެ ރޭ ވަނީ ޓްރީޓޮޕް ހޮސްޕިޓަލަށް ގެންގޮސްފައެވެ. އަދި ހޮސްޕިޓަލަށް އެމީހާ ގެންދިޔައިރުވެސް މަރުވެފައިވާކަމަށް ފުލުހުން ވަނީ މައުލޫމާތު ދީފައެވެ.

ފުލުހުން މިއަދު މައުލޫމާތު ދީފައިވާ ގޮތުން އެ ބިދޭސީ މީހާ އަކީ ތިލަމާލެ ބްރިޖުގައި މަސައްކަތް ކުރަމުންދާ މީހެކެވެ.

އިމާރާތްކުރުމާއި ބިނާރާ ބެހޭ ވުޒާރާއިން މީސް މީޑިއާގައި މިއަދު ކުރި ޕޯސްޓެއްގައި ބުނެފައިވަނީ ތަހުގީގީ އިދާރާތަކުން ތިލަމާލެ ބްރިޖުގައި މަސައްކަތް ކުރާ ކުންފުނީގެ އެއްބާރުލުމާއެކު މި ހާދިސާ ދަނީ ތަހުގީގު ކުރަމުންނެވެ. އަދި އެ ވުޒާރާއިން ވަނީ އެ ބިދޭސީ މަސައްކަތްތެރިޔާގެ އާއިލާއަށް ތައުޒިޔާ ކިޔާފައެވެ.

Last Monday night (17th of June 2024), a construction worker from India working at the Thilamale’ Bridge Site has passed away. The incident is currently being investigated by the relevant authorities with the support of the contractor. We would like to further clarify that news…

— Ministry of Construction and Infrastructure (@MoCImv) June 19, 2024

ތިލަމާލެ ބްރިޖުގެ މަސައްކަތް ކުރަމުން ދަނީ އެފްކޮންސްއިންނެވެ. ތިލަމާލެ ބްރިޖަކީ ނިމިގެންދިޔަ ރައީސް ސާލިހު ގެ ސަރުކާރުން ފަށައިގެން ކުރިޔަށްގެންދާ އެސަރުކާރުގެ އެއްމެ ބޮޑު ތަރައްގީގެ މަޝްރޫއެވެ. 500 މިލިއަން ޑޮލަރުގެ މަޝްރޫއެކެވެ. މި މަޝްރޫއުން ވިލިނގިލި، ގުޅީފަޅު އަދި ވިލިމާލެ ގުޅުވާލާނެއެވެ.