އިންޑިއާގެ ބޮޑު ވަޒީރު ނަރެންދުރަ މޯދީ ލޯކް ސަބާގެ ކެންޑިޑެސީ ފޯމު އިންޑިއާގެ އިލެކްޝަންސް ކޮމިޝަނަށް ހުށައަޅުއްވައިފިއެވެ.

މޯދީ ކުރިމަތިލައްވާފައިވަނީ ލޯކް ސަބާގެ ވަރަނާސީގެ ގޮނޑިއަށެވެ.

ފޯމު ހުށައެޅުއްވުމަށްފަހު މޯދީ މީސް މީޑިއާގައި ކުރެއްވި ޕޯސްޓެއްގައި ވިދާޅުވީ ވަރަނާސީގެ ތާރީހީ ދާއިރާގެ ރައްޔިތުންނަށް ހިދުމަތް ކޮއްދެއްވަން ލިބިވަޑައިގަތުމަކީ ޝަރަފެއްކަމަށެވެ. އަދި ރައްޔިތުންގެ ހެޔޮދުއާއާއި އެކީގައި ފާހަގަ ކުރެވޭ ވަރުގެ ގިނަގުނަ މަސައްކަތްތަކެއް ކުރެއްވިފައިވާކަން މޯދީ ފާހަގަ ކުރެއްވިއެވެ.

Filed my nomination papers as a candidate for the Varanasi Lok Sabha seat. It is an honour to serve the people of this historic seat. With the blessings of the people, there have been remarkable achievements over the last decade. This pace of work will get even faster in the… pic.twitter.com/QOgELYnnJg

— Narendra Modi (@narendramodi) May 14, 2024

ވަރަނާސީގެ މި ގޮނޑީގެ އިންތިޚާބުގެ ވޯޓްލުން ހަމަޖެހިފައިވަނީ ޖޫން 1 ގައެވެ. މި ދާއިރާއަށް މޯދީގެ އިތުރުން ވާދަކުރަނީ ކޮންގްރެސް ޕާޓީގެ ފަރާތުން އަޖޭ ރާއި، ބަހުޖަން ސަމާޖް ޕާޓީގެ ފަރާތުން އަތޭރް ޖަމާލް ލާރި އަދި އަމިއްލަ ގޮތުން ކުރިމަތި ލާފައިވާ ޝިޔާމް ރަންގީލާއެވެ.