މި އަހަރުގެ މިހާތަނަށް މާލޭގެ މިސްކިތްތަކުން ވައްކަން ކުރުމުގެ 21 މައްސަލައެއް ހުށައަޅާފައިވާ ކަމަށް ދިވެހި ފުލުހުންގެ ޙިދުމަތުން ބުނެފިއެވެ.

ރޭގެ ވަގުތެއްގައި އީދު މިސްކިތުން ފަންކާތަކެއް ވަގަށް ގެންގޮސްފައިވާ ކަމަށް ބުނެ އެކްސްގައި މާލެ ސިޓީ ކައުންސިލުން ވަނީ ޕޯސްޓެއް ކޮށްފައެވެ. އެ ޕޯސްޓާއި ހަވާލާދީ ފުލުހުންގެ ތަރުޖަމާނު އަޙްމަދު ޝިފާން ވިދާޅުވީ ހުށައެޅިފައިވާ މައްސަލަތަކަށް ނިސްބަތްވާ 6 ފަންކާ، 2 ފޯނު އަދި ފެން މޯޓަރެއް ވަނީ ހޯދާ ހަވާލުކުރެވިފައި ކަމަށެވެ.

2024 ވަނަ އަހަރު މިހާތަނަށް 21 މައްސަލައެއް މާލޭގެ މިސްކިތްތަކުން ވައްކަންކޮށްގެންް ފުލުހުންނަށް ހުށަހަޅާފައިވޭ. މި މައްސަލަތަކަށް ނިސްބަތްވާ 6 ފަންކާ، 2 ފޯނު އަދި ފެންމޯޓަރެއްވަނީ ހޯދާ ހަވާލުކުރެވިފައި. https://t.co/O6WncyaVBi

— Ahmed Shifan (@Shifan4040) June 21, 2024

މާލެ ސިޓީ ކައުންސިލުން ވަނީ މި މަހު އެކަނިވެސް މާލެ އީދު މިސްކިތުން 10 ފަންކާ ވަގަށް ގެންގޮސްފައިވާކަމަށް ހާމަކޮށްފައެވެ. މިކަމާއި ގުޅިގެން މާލެ ސިޓީ ކައުންސިލުން ވަނީ މިސްކިތްތަކުން ވައްކަންކޮށް ތަކެއްޗަށް ގެއްލުންދީ ނުހެދުމަށް އިލްތިމާސްކޮށްފައެވެ.